Recitation of poetry is deeply regarded for expressing your true feelings. It has been observed that Urdu poets in the past used to say poetry that depicts the social, cultural surroundings of their era. Last Updated on Sunday, October 14 2018 ... Read more

aur to KHair kya rah gaya | Urdu Poetry

Poet : ajmal-siraj
aur to KHair kya rah gaya
aur to KHair kya rah gaya 
han magar ek KHala rah gaya 
gham sabhi dil se ruKHsat hue 
dard be-intiha rah gaya 
zaKHm sab mundamil ho gae 
ek daricha khula rah gaya 
rang jaane kahan uD gae 
sirf ek dagh sa rah gaya 
aarzuon ka markaz tha dil 
hasraton mein ghira rah gaya 
rah gaya dil mein ek dard sa 
dil mein ek dard sa rah gaya 
zindagi se talluq mera 
TuT kar bhi juDa rah gaya 
hum bhi aaKHir pasheman hue 
aap ko bhi gila rah gaya 
koi mehman aaya nahin 
ghar hamara saja rah gaya 
us ne pucha tha kya haal hai 
aur main sochta rah gaya 
jam kya kya na KHali hue 
dard se dil bhara rah gaya 
kis ko chhoDa KHizan ne magar 
zaKHm dil ka hara rah gaya 
ye bhi kuchh kam nahin hai ki dil 
gard-e-gham se aTa rah gaya 
kaam 'ajmal' bahut the hamein 
hath dil par dhara rah gaya 

Related Poetry....

Tohmatain To Lagti Hein Noshi Gilani Zia Anjum Urdu Poetry Urdu Hindi Shayari Nazam
video-poetry