Recitation of poetry is deeply regarded for expressing your true feelings. It has been observed that Urdu poets in the past used to say poetry that depicts the social, cultural surroundings of their era. Last Updated on Sunday, October 14 2018 ... Read more

Chehra Mera Tha Nigahen Us Ki | Urdu Poetry

Poet : parveen-shakir
Chehra Mera Tha Nigahen Us Ki
Chehra Mera Tha Nigahen Us Ki
Khamushi Main Bhi Wo Baten Us Ki

Mere Chehre Pe Gazal Likhti Gain
Sher Kahti Hui Ankhen Us Ki

Shokh Lamhon Ka Pata Dene Lagin
Tez Hoti Hui Sansen Us Ki

Aise Mausam Bhi Guzare Ham Ne
Subhen Jab Apni Thin Shamain Us Ki

Dhyan Main Us K Ye Alam Tha Kabhi
Ankh Mahtab Ki Yaden Us Ki

Faisala Mauj-E-Hawa Ne Likkha
Andhiyan Meri Baharen Us Ki

Nind Is Soch Se Tuti Aksar
Kis Tarah Katati Hain Raten Us Ki

Dur Rah Kar Bhi Sada Rahti Hai
Mujh Ko Thame Hue Bahen Us Ki

Related Poetry....

muhabbaton ka pta chalay ga poet Akhter mulk urdu hindi poetry shayari voice ibrahim khan
video-poetry