Recitation of poetry is deeply regarded for expressing your true feelings. It has been observed that Urdu poets in the past used to say poetry that depicts the social, cultural surroundings of their era. Last Updated on Sunday, October 14 2018 ... Read more

dar-e-KHayal bhi kholen siyah shab bhi karen | Urdu Poetry

Poet : abhishekh-shukla
dar-e-KHayal bhi kholen siyah shab bhi karen
dar-e-KHayal bhi kholen siyah shab bhi karen 
phir us ke baad tujhe sochen ye ghazab bhi karen 

wo jis ne sham ke mathe pe hath phera hai 
hum us charagh-e-hawa-saz ka adab bhi karen 

siyahiyan si bikharne lagi hain sine mein 
ab us sitara-e-shab-tab ki talab bhi karen 

ye imtiyaz zaruri hai ab ibaadat mein 
wahi dua jo nazar kar rahi hai lab bhi karen 

ki jaise KHwab dikhana tasalliyan dena 
kuchh ek kaam mohabbat mein be-sabab bhi karen 

main jaanta hun ki tabir hi nahin mumkin 
wo mere KHwab ki tashrih chahe jab bhi karen 

shikast-e-KHwab ki manzil bhi kab nai hai hamein 
wahi jo karte chale aaen hain so ab bhi karen 

Related Poetry....

tumhain jana ijazat hain poet wasi shah urdu shayari voice ibrahim khan
video-poetry