Recitation of poetry is deeply regarded for expressing your true feelings. It has been observed that Urdu poets in the past used to say poetry that depicts the social, cultural surroundings of their era. Last Updated on Sunday, October 14 2018 ... Read more

Ghar jab bana liya tere dar par kahe baghair, | Urdu Poetry

Poet : mirza-ghalib
Ghar jab bana liya tere dar par kahe baghair,
Ghar jab bana liya tere dar par kahe baghair,
jaanega ab bhi tu na mera ghar kahe baghair.

Kehte hain jab rahi na mujhe taaqat-e-sukhan,
jaanu kisi ke dil ki main kyonkar kahe baghair.

Kaam uss se aa pada hai ki jis ka jahaan mein,
lewe na koi naam sitamagar kahe baghair.

Jee mein hi kuchh nahin hai humare wagarna hum,
sar jaaye ya rahe na rahen par kahe baghair.

Chhodunga main na uss but-e-kaafir ka poojna,
chhode na khalq go mujhe kaafir kahe beghair.

Maqsad hai naaz-o-ghamza wale guftagu mein kaam
chalta nahin hai dashna-o-khanjar kahe beghair.

Har chand ho mushaahida-e-haq ki guftagu,
banti nahin hai baada-o-saaghar kahe beghair.

Behra hun main to chahiye doona ho iltefaat,
sunta nahin hun baat muqarrar kahe beghair.

Ghalib’ na kar huzoor mein tu baar baar arz,
zaahir hai tera haal sab un par kahe beghair. !!

Related Poetry....

Sad Poetry voice urdu hindi sad shayari urdu hindi sad poetry ibrahim khan
video-poetry