Recitation of poetry is deeply regarded for expressing your true feelings. It has been observed that Urdu poets in the past used to say poetry that depicts the social, cultural surroundings of their era. Last Updated on Sunday, October 14 2018 ... Read more

Imkaan dekhnay ko ruka tha maiN jast ka | Urdu Poetry

Poet : ahmad-faraz
Imkaan dekhnay ko ruka tha maiN jast ka
Imkaan dekhnay ko ruka tha maiN jast ka

Ailaan kar diya gaya meri shikast ka

Saye se apne qadd ka lagata hai tu hisab

Andaza ho gaya hai tere zehn-e-past ka

Tujh ko badan ki had se nikalna kahaN nasib

Samjhe ga kaise rooh ko aalooda hast ka

Tu hai K kal ki baat ka rakhta nahiN hai paas

MaiN hooN ke paasdaar hooN ehd-e-alast ka

Jis se garoh-e-badaa-faroshaaN hasad kare

Taari hai mujh pe nassha usi chashm-e-mast ka

Ja, shehr-e-kam-nigaah meiN shuhrat samaiT le

Yeh kaam hai bhi tujh se hi mauqa-parast ka

Shah-e-junooN ka takht bicha hai ba-ehtamaam

Pehlu meiN intizaam hai meri nashast ka

Wus’at mili hai zabt ko mere baqadr-e-dard

Bolo koyi jawaab hai is band-o-bast ka?

‘Irfan’, teri laaj bhi Allah key supurd

Sattar hai wohi to har ik tang-dast ka

Related Poetry....

Wo kehti hai suno jana Muhabbat mom ka ghar hay Urdu Hindi Poetry Urdu Hindi Shayari
video-poetry