Recitation of poetry is deeply regarded for expressing your true feelings. It has been observed that Urdu poets in the past used to say poetry that depicts the social, cultural surroundings of their era. Last Updated on Sunday, October 14 2018 ... Read more

jo ashk barsa rahe hain sahib | Urdu Poetry

Poet : ajmal-siraj
jo ashk barsa rahe hain sahib
jo ashk barsa rahe hain sahib 
ye raegan ja rahe hain sahib 
yahi taghayyur to zindagi hai 
abas ghule ja rahe hain sahib 
jo ho gaya hai so ho gaya hai 
fuzul pachhta rahe hain sahib 
ye sirf ginti ke chaar din hain 
baDe maze aa rahe hain sahib 
abhi to ye KHak ho rahega 
jo jism chamka rahe hain sahib 
koi irada na koi jada 
kahan kidhar ja rahe hain sahib 
idhar zara ghaur se to dekhen 
ye phul murjha rahe hain sahib 
jahan ki nayaft ke sabab mein 
jahan ka gham kha rahe hain sahib 
ye main nahin hun ye mera dil hai 
ye kis ko samjha rahe hain sahib 
sukun ki nind soiyega 
wo din bhi bas aa rahe hain sahib 
jo aap ke hijr mein mile hain 
ye din gine ja rahe hain sahib 
bas ab nahin kuchh bhi yaad mujh ko 
bas aap yaad aa rahe hain sahib 

Related Poetry....

kis kadar anokha hain rabita muhabbat ka poet wasi shah voice of ibrahim Khan
video-poetry