Recitation of poetry is deeply regarded for expressing your true feelings. It has been observed that Urdu poets in the past used to say poetry that depicts the social, cultural surroundings of their era. Last Updated on Sunday, October 14 2018 ... Read more

bulbul gulon se dekh ke tujh ko bigaD gaya | Urdu Poetry

Poet : haidar-ali-aatish
bulbul gulon se dekh ke tujh ko bigaD gaya
bulbul gulon se dekh ke tujh ko bigaD gaya 
qumri ka tauq sarw ki gardan mein paD gaya 
chin-bar-jabin na ai but-e-chin rah ghurur se 
taswir ka hai aib jo chehra bigaD gaya 
aai to hai pasand use chaal yar ki 
sun lijo panw kabk-e-dari ka ukhaD gaya 
pichhe haTa na kucha-e-qatil se apna panw 
sar se taDap ke chaar qadam aage dhaD gaya 
khinchi jo meri tarah se qumri ne aah-e-sard 
jaDe ke mare sarw chaman mein akaD gaya 
shirin ke shefta hue parwez o kohkan 
shaer hun main ye kahta hun mazmun laD gaya 
allah-re shauq apni jabin ko KHabar nahin 
is but ke aastana ka patthar ragaD gaya 
darman se aur dard hamara hua do-chand 
marham se dagh sine mein nasur paD gaya 
gul-dasta ban ke raunaq-e-bazm-e-shahan hua 
kauDa jo us faqir ke takiya se jhaD gaya 
nikla na jism se dil-e-nalan sharik-e-ruh 
manzil mein rang naqa se apne bichhaD gaya 
pahuncha majaz se jo haqiqat ki kunah ko 
ye jaan le ki raste mein pher paD gaya 
furqat ki shab mein zist ne apni wafa na ki 
qabl-e-sahar charagh hamara na baDh gaya 
pata hun shauq-e-wasl mein ahbab ki kami 
husn-o-jamal-e-yar mein kuchh farq paD gaya 
lashon ko aashiqon ke na uTTho gali se yar 
basne ka phir ye ganw nahin jab ujaD gaya 
dekha tujhe jo KHun-e-shahidan se surKH-posh 
turk-e-falak zamin mein KHajalat se gaD gaya 
barson ki rah aa ke azizan nikal gae 
afsos karwan se main apne bichhaD gaya 
aaya jo sharh-e-lal-e-lab-e-yar ka KHayal 
jhanDa qalam ka apne badaKHshan mein gaD gaya 
main nai liya baghal mein pari-ru visal ko 
dew-e-firaq kashti mein mujh se bichhaD gaya 
'atish' na puchh haal tu mujh dard-mand ka 
sine mein dagh dagh mein nasur paD gaya 

Related Poetry....

KAHA THA NA K YU SUTY HUWE MAT CHUR Kar Jana Voice Ibrahim khan Awesome Ghazal urdu hindi shayari
video-poetry