Recitation of poetry is deeply regarded for expressing your true feelings. It has been observed that Urdu poets in the past used to say poetry that depicts the social, cultural surroundings of their era. Last Updated on Sunday, October 14 2018 ... Read more

daraKHt-e-jaan par azab-rut thi na barg jage na phul aae | Urdu Poetry

Poet : ezaz-ahmad-azar
daraKHt-e-jaan par azab-rut thi na barg jage na phul aae
daraKHt-e-jaan par azab-rut thi na barg jage na phul aae 
bahaar-wadi se jitne panchhi idhar ko aae malul aae 
nashat-e-manzil nahin to un ko koi sa ajr-e-safar hi de do 
wo rah-naward-e-rah-e-junun jo pahan ke rahon ki dhul aae 
wo sari KHushiyan jo us ne chahin uTha ke jholi mein apni rakh lin 
hamare hisse mein uzr aae jawaz aae usul aae 
ab aise qisse se faeda kya ki kaun kitna wafa-nigar tha 
jab us ki mahfil se aa gae aur sari baaten hi bhul aae 
wafa ki nagri luTi to us ke asason ka bhi hisab Thahra 
kisi ke hisse mein zaKHm aae kisi ke hisse mein phul aae 
ba-nam-e-fasl-e-bahaar 'azar' wo zard patte hi mo'tabar the 
jo hans ke rizq-e-KHizan hue hain jo sabz shaKHon pe jhul aae 

Related Poetry....

Sweet Urdu Poetry Urdu Shayari Competition in Tariq Aziz show at PTV HOME Must Watch
video-poetry