Recitation of poetry is deeply regarded for expressing your true feelings. It has been observed that Urdu poets in the past used to say poetry that depicts the social, cultural surroundings of their era. Last Updated on Sunday, October 14 2018 ... Read more

Dard se mere hai tujh ko beqaraari haaye haaye, | Urdu Poetry

Poet : mirza-ghalib
Dard se mere hai tujh ko beqaraari haaye haaye,
Dard se mere hai tujh ko beqaraari haaye haaye,
kya hui zaalim teri ghafalat-shiaari haaye haaye.

Tere dil mein gar na tha aashob-e-ghum ka hausala,
tune phir kyon ki thi meri ghum-gusaari haaye haaye.

Kyon meri ghum-khwaargi ka thujh ko aaya tha khyaal,
dushmani apani thi meri dost-daari haaye haaye.

Umar bhar ka tune paimaan-e-wafa baandha toh kya,
umar ko bhi toh nahin hai paayedaari haaye haaye.

Zehar lagti hai mujhe aab-o-hawa-e-zindagi,
Yaani tujh se thi ise na-saazgaari haaye haaye.

Ghulfeshaani haaye naaz-e-jalwa ko kya ho gaya,
khaak par hoti hai teri laala-kaari haaye haaye.

Sharm-e-ruswaayi se jaa chhupna naqaab-e-khaak mein,
khatm hai ulfat ki tujh par parda-daari haaye haaye.

Khaak mein naamoos-e-paimaan-e-muhabbat mil gayi,
uth gayi duniya se raah-o-rasm-e-yaari haaye haaye.

Haath hi tegh-aazmaa ka kaam se jaata raha,
dil pe ek lagne na paaya zakhm-e-kaari haaye haaye.

Kis tarah kaate koi shab-haaye-taar-eh-barshigaal,
hai nazar khoo-karda-e-akhtar-shumaari haaye haaye.

Gosh mahjoor-e-payaam-o-chashm mahroom-e-jamaal,
ek dil tis par ye naa-ummeed-waari haaye haaye.

Ishq ne pakda na tha ‘ghalib’ abhi wehshat ka rang,
rah gaya tha dil mein jo kuchh zauq-e-khaari haaye haaye.

Gar museebat thi toh ghurbat mein utha lete ‘asad’
meri dehli hi mein honi thi ye khwaari haaye haaye. !!

Related Poetry....

Sad Poetry voice urdu hindi sad shayari urdu hindi sad poetry ibrahim khan
video-poetry