Recitation of poetry is deeply regarded for expressing your true feelings. It has been observed that Urdu poets in the past used to say poetry that depicts the social, cultural surroundings of their era. Last Updated on Sunday, October 14 2018 ... Read more

Gaye baras ki eid ka din kya achchha tha | Urdu Poetry

Poet : parveen-shakir
Gaye baras ki eid ka din kya achchha tha
Gaye baras ki eid ka din kya achchha tha

ChaaNd ko dekh ke uskaa chehra dekha tha

Feza mein ‘Keats’ ke lehje ki nermahat thi

Mausam apne rang mein ‘Faiz’ ka misraa tha

Duaa ke be-aawaaz, uloohi lamhoN mein

Woh lamhaa bhi kitna dilkashh lamha tha

Hath uTha ker jab aNkhoN hi aNkhoN mein

Us ne mujh ko apne Rab se maaNgaa tha

Phir mere chehre ko haathoN mein le ker

Kitne pyar se mera maatha chooma tha!

Hawa! kuch aj ki shab ka tu ahwaal suna

Kya woh apni chhat per aaj akela tha?

Ya koi mere jeisi saath thi, aur uss ne

Chand ko dekh ke us ka chehra dekhaa tha?

(Parveen Shakir)

Related Poetry....

BARA KATHIN HAI RASTA, JO AA SAKO TO SATH DO..
meer-taqi-meer