Recitation of poetry is deeply regarded for expressing your true feelings. It has been observed that Urdu poets in the past used to say poetry that depicts the social, cultural surroundings of their era. Last Updated on Sunday, October 14 2018 ... Read more

raat ke farsh par | Urdu Poetry

Poet : ashfaq-hussain
raat ke farsh par
raat ke farsh par 
maut ki aahaTen 
phir koi dar khula 
kaun is ghar ke pahre pe mamur tha 
kis ke baalon ki laT 
kis ke kanon ke dur 
kis ke hathon ka zar, surKH dahliz par qasidon ko mila?
koi pahre pe ho to gawahi mile 
ye shikasta shajar 
ye shikasta shajar jis ke panw mein KHud apne sae ki mauhum zanjir hai 
ye shikasta shajar to muhafiz nahin 
ye shikasta shajar to sipahi nahin 
shab se Darta hun main 
ek taswir-e-be-rang hai samne jis se Darta hun main 
ek surat ki jis ke KHad-o-KHal ki meri subh-e-hunar 
se shanasai hai 
us se Darta hun main 
ek shoala ki ab tak KHas-e-jaan mein tha, us ka sarkash sharar 
kaghazon mein, makanon mein, baghon mein hai 
us ki manus hiddat se Darta hun main 
ek aawaz kohsar-e-tafriq par jo saf-ara hain wo apne bhai nahin 
is sada ru-ba-sahra se Darta hun main 
shab se Darta hun main 

Related Poetry....

Kuch Ishq Kiya Kuch Kaam Kiya Urdu Poetry Hindi Poetry Urdu Shayari Hindi Shayari Faiz Ahmad Faiz
video-poetry