Recitation of poetry is deeply regarded for expressing your true feelings. It has been observed that Urdu poets in the past used to say poetry that depicts the social, cultural surroundings of their era. Last Updated on Sunday, October 14 2018 ... Read more

yar ko dida-e-KHun-bar se ojhal kar ke | Urdu Poetry

Poet : aslam-kolsari
yar ko dida-e-KHun-bar se ojhal kar ke
yar ko dida-e-KHun-bar se ojhal kar ke 
mujh ko haalat ne mara hai mukammal kar ke 

jaanib-e-shahr faqiron ki tarah koh-e-giran 
phenk deta hai buKHaraat ko baadal kar ke 

jal uThen ruh ke ghaw to chhiDak deta hun 
chandni mein teri yaadon ki mahak hal kar ke 

dil wo majzub mughanni ki jala deta hai 
ek hi aah se har KHwab ko jal-thal kar ke 

jaane kis lamha-e-wahshi ki talab hai ki falak 
dekhna chahe mere shahr ko jangal kar ke 

yani tartib-e-karam ka bhi saliqa tha use 
us ne patthar bhi uThaya mujhe pagal kar ke 

id ka din hai so kamre mein paDa hun 'aslam' 
apne darwaze ko bahar se muqaffal kar ke 

Related Poetry....

Wasi shah sir ki 3 best shair voice ibrahim khan
video-poetry