Recitation of poetry is deeply regarded for expressing your true feelings. It has been observed that Urdu poets in the past used to say poetry that depicts the social, cultural surroundings of their era. Last Updated on Sunday, October 14 2018 ... Read more

Zulmat Kade Main Mere Shab-E-Gam Ka Josh Hai | Urdu Poetry

Poet : anjum-aziz-abbas
Zulmat Kade Main Mere Shab-E-Gam Ka Josh Hai
Zulmat Kade Main Mere Shab-E-Gam Ka Josh Hai

Ik Shamma Hai Daleel-E-Sahar, So Khamosh Hai



Na Muzda-E-Visaal Na Nazaara-E-Jamaal

Muddat Hui Ki Aashti-E-Chashm-O-Gosh Hai



Mai Ne Kiya Hai Husn-E-Khudaara Ko Be Hijaab 

Ae Shauq Yaan Ijazat-E-Taslim-E-Hosh Hai



Gauhar Ko Ikd-E-Gardan-E-Khubaan Main Dekhna

Kya Auj Par Sitara-E-Gauharfarosh Hai



Deedar, Wada, Hausla, Saaqi, Nigaah-E-Mast

Bazm-E-Khayaal Maikada-E-Be Kharosh Hai



Ae Taaza Vaaridan-E-Bisaat-E-Hawa-E-Dil

Zinhaar Gar Tumhen Hawas-E-Na-O-Nosh Hai



Dekho Mujhe Jo Deeda-E-Ibarat Nigaah Ho

Meri Suno Jo Gosh-E-Nasihat Niyosh Hai



Saaqi Ba Jalwa Dushman-E-Imaan-O-Aagahi

Mutarib Banagma Rahzan-E-Tamkin-O-Hosh Hai



Ya Shab Ko Dekhte The Ki Har Gosha-E-Bisaat

Daaman-E-Baagbaan-O-Kaf-E-Gulfarosh Hai



Lutf-E-Khiraam-E-Saaqi-O-Zauq-E-Sada-E-Chang

Ye Jannat-E-Nigaah Wo Firdaus-E-Gosh Hai



Ya Subh Dam Jo Dekhiye Aakar To Bazm Main

Naa Vo Suruur-O-Soz Na Josh-O-Kharosh Hai



Daag-E-Firaaq-E-Sohbat-E-Shab Ki Jali Hui

Ik Shamma Rah Gai Hai So Vo Bhi Khamosh Hai



Aate Hain Gaib Se Ye Mazmin Khayaal Main

Ghalib Sarir-E-Khaama Navaa-E-Sarosh Hai

Related Poetry....

KAHA THA NA K YU SUTY HUWE MAT CHUR Kar Jana Voice Ibrahim khan Awesome Ghazal urdu hindi shayari
video-poetry